დიდი სამამულო ომის შესახებ წიგნის პრეზენტაცია და გავრცელება საქართველოს მასშტაბით გრძელდება – საჩუქარი ამჯერად ქობულეთმა მიიღო

ქობულეთის წიგნის მოყვარულთა საზოგადოებისათვის ქობულეთის მუზეუმში ახალი ისტორიულ-დოკუმენტური გამოცემის პრეზენტაცია შედგა.

წიგნის ავტორია პროფესორი გულბაათ რცხილაძე.

დაინტერესებულ საზოგადოებას გავაცანით, ასევე 1941-1945 წწ – მეორე მსოფლიო ომის კავკასიის ფრონტთან და შავი ზღვის დამცველთა გმირულ შემართებასთან დაკავშირებული მხატვრულ-დოკუმენტური ილუსტრაციები (პლაკატები), რომლებიც ბინას ქობულეთის მუზეუმის სოც-რეალიზმის განყოფილებაში დაიდებს.

ავტორმა, პროფესორმა გულბაათ რცხილაძემ ახალი წიგნის გამოცემის 50-ზე მეტი ეგზემპლარი დამსწრე საზოგადოებას და, მათ შორის, ქობულეთის მუზეუმის სამეცნიერო ბიბლიოთეკას გადასცა საჩუქრად.

დაინტერესებულ მკითხველთ მიეცემა შესაძლებლობა გაეცნონ წარმოდგენილ გამოცემას ქობულეთის მუზეუმში.

წყარო: რევაზ ტაკიძე, ქობულეთის მუზეუმის დირექტორი, საკუთარ ფეისბუკ-გვერდზე

ევრაზიის ინსტიტუტისგან: აღსანიშნავია, რომ წიგნის – “დიდი სამამულო ომი 1941-1945 წწ. ცნობარი“ – ეგზემპლარები გადაეცა ქობულეთის საჯარო საშუალო სკოლების პედაგოგებსაც – პიროვნულად, რათა დასავლური კურატორების გვერდის ავლით, რომლებიც უკრძალავენ ქართულ სკოლებს მოსწავლეთა პატრიოტულ აღზრდასა და ნამდვილი განათლების გავრცელებას, მოხდეს პედაგოგების ინფორმირება და მათი პატრიოტული გრძნობების გამყარება.